SKIPULAGSSKRÁ
Skipulagsskrá fyrir Safnasafnið, sjálfseignarstofun (17.2. 1995) Kennitala: 560895-2089
1. Nafn og stofnsetning
Með skipulagsskrá þessari stofnsetja Magnhildur Sigurðardóttir, kt. 111150 - 3549, og Níels Hafstein. kt. 040247 - 7699, Freyjugötu 34, Reykjavík, sjálfseignarstofnunina Safnasafnið
2. Lögheimili og varnarþing
Lögheimili Safnasafnsins er í Svalbarðsstrandarhreppi og varnarþing hjá Héraðsdómi Norðurlands eystra
3. Skipting
Alþýðulist Íslands, Brúðusafn, Hugmyndasmiðja æskunnar, Kaupfélag Svalbarðseyrar, Leikfangasafn, Lista- og fræðimannsíbúð, Safngestaráð, Sérsafnasafn, Svalbarðsstrandarstofa, Verslun Ásgeirs G. Gunnlaugssonar & Co
4. Húsnæðismál
Stjórn er heimilt að kaupa, byggja, leigja, þiggja að gjöf eða fá lánað húsnæði undir starfsemi safnsins til lengri eða skemmri tíma
5. Markmið
Að safna verkum eftir alþýðulistarmenn, uppfinningamenn, hagleiksmenn, einfara og þá listamenn sem hverju sinni vinna undir áhrifum frá verkum ofangreindra manna Að safna búshlutum, hagleiksverkum, hljóðfærum, leikföngum, listiðnaði, líkönum, ljósmyndum, minjagripum, uppfinningum, vélum og tækjum, og ýmsu öðru því efni er orðið gæti til nýbreytni í sýningum og varpað ljósi á fortíð og líðandi stund Að safna munum og heimildum er tengjast viðfangsefnum og hugmyndum, lífsstarfi og minningum ofangreindra manna Að sinna almennum skyldum safns um söfnun verka, varðveislu, skráningu, kynningar, sýningar, skrif, upptökur og útgáfur Að stuðla að eflingu alþýðulistar ofl. og veita einstaklingum, félögum og stofnunum viðurkenningu á sérsviði safnsins Að vera vakandi fyrir frumlegum viðhorfum og efna til sýninga og viðburða sem eru í lifandi tengslum við menningu þjóðarinnar
6. Stofnfé
Stofnendur leggja til óafturkræft stofnfé: 2 höggmyndir í tré eftir Sæmund Valdimarsson, metnar á 280.000,kr., 3 málverk eftir Eggert Magnússon, metin á 170.000 kr. og 1 málverk eftir Stefán Jónsson frá Möðrudal, metið á 80.000 kr. (sjá fylgibréf)
7. Tekjur
Aðgangseyrir, gjafir og framlög, aðrar tekjur
8. Stjórn
Stjórn safnsins skipa 5 aðalmenn og 3 varamenn. Stofnendur sitja í stjórn eins lengi og þeir óska og tilnefna hvor um sig 1 aðalmann og 1 varamann í 4 ár í senn. Samband Íslenskra Myndlistarmanna tilnefnir 1 aðalmann og 1 varamann í 4 ár í senn. Njóti annars stofnanda ekki við, tekur afkomandi hans sæti hans í stjórn. Stjórnin skiptir með sér verkum og fer með öll málefni safnsins. Stjórnin hefur heimild til að ráða forstöðumann að safninu
9. Fundir
Stjórnarfundi skal halda með prentaðri dagskrá í upphafi árs og síðan eins og þörf krefur. Stjórnin skal halda gjörðabók um allt það sem gerist á stjórnarfundum, og samþykktir orðréttar. Varamönnum er heimilt að sitja stjórnarfundi með málfrelsi og tillögurétti
10. Starfsfólk
Forstöðumaður skal njóta launa og starfskjara á við það sem tíðkast hjá forstöðumönnum Listasafns Reykjavíkur og Listasafns Íslands. Stjórn er heimilt að ráða stjórnarmann í starf forstöðumanns. Gjaldkeri er prókúruhafi safnsins. Forstöðumaður ræður starfsfólk eftir þörfum
11. Gjafir og gjafabréf
Gjöfum skal fylgja sérstakt gjafabréf safnsins með upplýsingum um höfundarétt. Heimilt er að selja þau listaverk sem sérstaklega eru gefin til að afla safninu tekna Óheimilt að láta listaverk eða safnmun af hendi nema fá í staðinn betra eintak af sömu gerð eða eintak eftir sama höfund. Safnið fær allan þann rétt sem á hverjum tíma fylgir listaverki að íslenskum höfundarétti. Og á sama hátt fær safnið allan þann rétt sem fylgir erlendu listaverki að höfundarétti og skv. alþjóðasamningum á sviði höfundarréttar Safnið hefur rétt til opinberra sýninga á listaverkum, munum og heimildum á vegum safnsins, svo og á öðrum sýningum sem samræmast markmiðum og stefnu safnsins. Safnið fær rétt til eftirgerðar muna, listaverka og heimilda, svo sem til að gera kort, ljósmyndir, litskyggnur, filmur, upptökur og afrit til eigin notkunar. Til eftirgerðar til sölu þarf samþykki eiganda höfundaréttar, enda á hann þá rétt á þóknun
12. Lán og varðveisla
Heimilt er að lána listamanni verk hans til sýninga eftir því sem ástæður þykja til, þó eigi lengur en í 2 ár samfellt. Hið sama gildir um lán til listhúsa og stofnana Stjórn safnsins er heimilt að taka við listaverkum, minjagripum, munum og heimildum í eigu einstaklinga, dánarbúa, félaga og stofnana, einstök verk eða safnheildir, til varðveislu í lengri eða skemmri tíma Um varðveislu listaverka, minjagripa, muna og heimilda skulu aðilar gera með sér samning. Eigandi eða umboðsmaður hans getur að eigin vali tilnefnt tilsjónarmann með þessum varðveislusamningi
13. Öryggismál
Stjórn er skylt að gera viðeigandi öryggisráðstafanir, s.s. með eldvörnum og gæslu. Stjórn skuldbindur sig til að fara með alla safngripi og heimildir skv. siðareglum Alþjóðaráðs safna (ICOM - International Council of Museums)
14. Skráning og tölvumál
Stjórn hefur heimild til að skrá alla safngripi inn á myndrænt tölvuskjal til eigin nota, með skönnun eða beintengingu úr myndavél Stjórn er óheimilt að selja eftirtökur myndefnis úr slíku tölvuskjali, nema að fengnu leyfi höfundar eða handhafa höfundarréttar, og á hann þá rétt á þóknun skv. gjaldskrá Myndhöfundasjóðs - Myndstefs Fyrir tengingu skráningarskjals við gagnabanka og alþjóðleg tölvunet skal vera samþykki í varðveislusamningum Taka skal tillit til gildandi höfundarlaga og alþjóðlegra samninga á sviði höfundaréttar, með þeim breytingum sem fram kunna að koma Kaupandi eftirtöku skal gæta þess að myndefni úr skráningarskjali sé ekki notað eða birt eitt sér eða í samhengi, í myndrænu, skrifuðu og töluðu formi, sem sé til áfellis eða skaða fyrir viðkomandi höfund Kaupanda er heimilt að prenta út eða myndflytja milli eigin tækja afrit af eftirtöku úr tölvuskjali til fræðilegra nota eða í öðrum þeim tilgangi er eigi fer í bága við hagsmuni höfundar Kaupanda er óheimil nýmyndun á eftirtöku, tilfærsla, klipping, samskeyting við annað myndefni, hljóð og texta, afbökun eða önnur slík framkvæmd í eigin tölvuskjali eða annarri tækni Kaupanda er óheimilt að lána, skipta, leigja eða selja afrit af eftirtöku myndefnis áfram til þriðja aðila, s. s. beint til vinnslu í prentsmiðju eða til birtingar eða notkunar í sjónvarpi, myndsíma, myndbandi, tölvubúnaði eða annarri þeirri tækni sem nú er til og notuð er, eða síðar kann að verða tiltæk, nema með leyfi höfundar
15. Viðurkenningar, ráðgjöf, upplýsingar
Forstöðumaður leggur fyrir stjórn tillögur um viðurkenningar, hann veitir ráðgjöf og upplýsingar um starfsemi safnsins
16. Sýningar, rannsóknir og útgáfur
Forstöðumaður leggur fyrir stjórn tillögur um sýningar, rannsóknir og bókaútgáfur í tengslum við safnið og eignir þess. Þá gerir hann tillögur um fyrirlestra, leiðsögn og safnkennslu. Forstöðumanni er heimilt að veita sérfræðingum og áhugafólki aðgang að listaverkum, minjagripum, munum og heimildum safnsins, s. s. til rannsókna og skrifa, til undirbúnings á fræðsluefni til kynningar og flutnings í fjölmiðlum, skólum, fyrirlestrum, tímaritum og bókaútgáfu. Hafa skal samráð við gefendur, tilsjónarmennn, höfunda eða handhafa höfundaréttar ef þess gerist þörf
17. Endurskoðun
Reikningsár safnsins miðast við áramót. Reikninga skal stjórn láta yfirfara af löggiltum endurskoðanda
18. Breytingar á skipulagsskrá
Tillögur um breytingar á skipulagsskrá skal stjórn senda Dómsmálaráðuneytinu til staðfestingar
19. Safnslit
Verði starfsemi safnsins lögð niður skulu allar eignir þess renna til annars aðila sem þá er til, eða síðar kann að verða stofnað til, og hefur svipuð markmið og Safnasafnið
20. Staðfesting skipulagsskrár
Skipulagsskrá þessi er staðfest af Dómsmálaráðuneyti Íslands
