Íbúðin er í risi Kaupfélags Svalbarðseyrar (1900) sem var flutt á lóð Safnasafnsins árið 2006; hún er 67 m2, með sér inngangi á 2. hæð frá bílastæði, útbúin eins og “byggðasafn með andrúmslofti og rómantík liðinnar aldar” en þó með nútímalegu ívafi; í henni er forstofa, bað, eldhús með 1 rúmi (200x120), samliggjandi borð- og skrifstofa með 2 rúmum (196x86 / 172x75) og herbergi með hjónasæng og 2 barnarúmum (160x75 / 95x45)
Íbúðin er leigð án tengsla við aðra starfsemi safnsins, ferðsfólki á sumri, lista- og fræðafólki á hausti, vetri og vori. Tekið er tillit til þess við verðlagningu að lista- og fræðimenn dvelja í íbúðinni 1-3 vikur í senn, við vinnu sem fellur að starfsstefnu safnsins
Gestgjafar eru Níels Hafstein og Magnhildur Sigurðardóttir, þau búa í Þinghúsinu sem er tengt safnbyggingunum
Skilmálar:
Leigutaki kynnir sér eldvarnir og flóttaleiðir, ber ábyrgð á persónulegum eigum og lágmarksþrifum. Honum er óheimilt er að framleigja íbúðina eða bjóða til sín dvalargestum nema með samþykki gestgjafa. Hann ber þann kostnað sem hugsanlega þarf að greiða fyrir ef hann skilar ekki íbúðinni í viðunandi ástandi, s.s. vegna þrifa, vöntunar eða skemmda. Gæludýr eru ekki leyfð, reykingar ekki heldur. Lak og ver á aukarúm kostar 2.500 kr. Hægt er að ræsa skynjara í anddyri um nætur og er hann tengur innbrotsvarnakerfi safnsins
Pantanir skulu staðfestar á safngeymsla@simnet.is og leigan millfærð með staðfestingu frá banka, eða greidd strax við komu; greiðsla jafngildir því að leigutaki samþykkir ofangreinda skilmála
Sumar:
Verð á nótt: 25.000 kr. frá 15. maí til 31. ágúst (almennir gestir)
Íbúðin er leigð með laki, kodda- og sængurveri á 1 einbreitt rúm, eða tvíbreitt eftir atvikum, nettengingu, morgunmat í kæliskáp og grunnvöru í eldhúsi
Haust, vetur og vor:
Verð á nótt: 10.000 kr. frá 1. september - 20. apríl (almennir gestir)
Íbúðin er leigð minnst tvær nætur í röð, með laki, kodda- og sængurveri á 1 einbreitt rúm, eða tvíbreitt rúm eftir atvikum, nettengingu og grunnvöru í eldhúsi (ekki morgunmat)
Verð á viku: 30.000 kr. frá 1. september - 20. apríl (lista- og fræðamenn)
Íbúðin er leigð með laki, kodda- og sængurveri á 1 einbreitt rúm, eða tvíbreitt eftir atvikum, nettengingu, grunnvöru í eldhúsi (ekki morgunmat), aðgangi að þvottavél og bókastofu. Leigutaki fær aðstöðu í sal til að vinna við tónlist, dans, handrit eða pappírsmyndir, en er óheimilt að smíða, nota olíuliti og úðabrúsa eða önnur rokgjörn, rykertandi, smitandi, astma- og ofnæmisvaldandi efni, hið sama gildir um íbúðina. Nauðsynlegt er að leigutaki hafi bíl til umráða og sjái um sig sjálfur
